Wamali washangilia wachezaji wa Gaddafi

Wamali washangilia wachezaji wa Gaddafi

Mashabiki wa mpira Bamako, Mali
Maelfu ya raia wa Mali walijitokeza kuishangilia timu ya Libya katika kufuzu kwa mashindano ya Kombe la Mataifa ya Afrika kwenye mji mkuu wa Mali.

Mashindano hayo yalifanyika Bamako kutokana na sababu za kiusalama nchini Libya.

Takriban raia 20,000 wa Mali walijitokeza kushuhudia shindano hilo, wengi wakiwa wamebeba mabango wakipinga uvamizi unaofanywa na nchi za magharibi nchini Libya.

Kapteni Tariq Ibrahim al-Tayib aliiambia BBC baada ya kuichapa Comoro mabao 3-0, "Tumeguswa sana na watazamaji wa Mali"

Mwandishi wa habari aliyopo Bamako Martin Vogl alisema serikali ya Mali ina uhusiano wa karibu na kiongozi wa Libya Muammar Gaddafi na huungwa mkono sana nchini humo.

Baada ya kila goli katika shindano hilo lililofanyika siku ya Jumatatu jioni, mashabiki hao walikuwa wakiita: "Gaddafi! Gaddafi!," alisema.

Bw Tayib alisema wachezaji wengi hawakuweza kucheza kwasababu walikuwa wanaishi Benghazi, mji ulioshikiliwa na majeshi yanayopambana na Kanali Gaddafi.

Lakini alisema hakuna mgawanyiko wowote wa kisiasa upande wa timu ya soka ya taifa.

Alisema, "Timu nzima inamwuunga mkono Muammar Gaddafi".

Siku ya Ijumaa, maelfu ya Walibya walipita mitaa ya Bamako kuonyesha nia yao ya kumwuunga mkono kiongozi huyo wa Libya- wakiandamana kuelekea kwenye mabalozi ya Ufaransa na Marekani kupinga nchi hizo kujihusisha katika harakati za kijeshi dhidi ya Kanali Gaddafi.






Majeshi ya Gaddafi yawazidi nguvu waasi

Askari wanaomtii Kanali Gaddafi mjini Misrata


Majeshi yanayoiunga mkono serikali yamezidi kuwashambulia waasi nchini Libya, nahivyo kuwalazimu kurejea nyuma katika mji wa Bin Jawad.

Mapigano hayo mapya yameibuka baada ya wajumbe kutoka nchi mbalimbali kukutana mjini London kwenye mkutano wa kujadili mipango ya usoni ya Libya.

Awali Rais wa Marekani Obama alijitetea kwa kufanya uamuzi wa kuidhinisha harakati za kijeshi kwa mara ya kwanza tangu aingie madarakani, akisistiza Marekani imejihusisha kwa kiwango kidogo.

Lakini pia alisema kumwondoa Kanali Gaddafi kwa nguvu ni kosa.

Majeshi yanayompinga Kanali Gaddafi yamesogea sana upande wa magharibi kutoka kwenye ngome yao ya Benghazi katika siku za hivi karibuni- wakisaidiwa sana na mashambulio ya anga ya kimataifa- yakiteka idadi kadhaa za jamii za kipwani na mitambo muhimu ya mafuta, ikiwemo Ras Lanuf, Brega, Uqayla na Bin Jawad.







Obama atetea uamuzi wa kumshambulia Gaddafi

Rais Barack Obama.

Obama atetea uamuzi wa kumshambulia Gaddafi ili kuepusha mauaji halaiki

Obama asema utawala wake umechukua hatua za kijeshi ili kuepusha maangamizi ya raia nchini Libya

Rais Obama ameutetea uamuzi wa utawala wake wa kumshambulia Kanali Gaddafi. Amesema hatua hiyo ilikuwa ya lazima ili kuzuia mauaji halaiki.

Wakati huo huo wajumbe kutoka nchi zaidi ya 40 leo wanakutana mjini London kujadili njia za kuutatua mgogoro wa Libya

Rais Obama amewaambia wananchi wake kwamba Marekani imezuia mauaji halaki nchini Libya. Rais Obama alieleza hayo katika hotuba aliyoitoa kwenye Chuo Kikuu cha kijeshi mjini Washington na kutangazwa moja kwa moja na televisheni. Amesema laiti jumuiya ya kimataifa inengelisuasua kwa siku hatamoja zaidi tu , pangelitokea mauaji halaiki katika mji wa Benghazi.

Amesema endapo Marekani ingeendelea kusubiri mauaji halaiki yangelitokea katika mji huo na kuliathiri eneo lote, na yangelizisakama nafsi za watu duniani kote.Amesema kuacha mauaji yatokee kusingelingana na maslahi ya Marekani.

Rais Obama ameeleza kwua kama Rais wa Marekani, hakutaka kusubiri kuona picha za maangamizi na makaburi ya jumuiya bila ya kuchukua hatua.

Hata hivyo Rais huyo ameonya vikali dhidi ya kujaribu kumwondoa Gaddafi kwa kutumia nguvu. Amesema kufanya hivyo kutakuwa kurudia mauaji yaliyotokea nchini Iraq.Obama ameeleza kuwa mnamo muda wa mwezi mmoja tu, Marekani imeshirikiana na washirika wake wa kimataifa katika kujenga mfungamano mkubwa na kuweza kupewa jukumu na jumuiya ya kimataifa la kuwalinda raia nchini Libya.

Lakini amesisitiza kwamba lingekuwa kosa kulitelekeza jukumu hilo kwa lengo la kuleta mabadiliko ya utawala nchini Libya.Ameeleza kuwa kuzipanuza operesheni za kijeshi ili kumwangusha Gaddafi kungelikuwa kosa

Wakati huo huo wajumbe kutoka nchi zaidi ya 40 wanakutakana mjini London leo kujadili njia za kuutatua mgogoro wa Libya.Mkutano huo utahudhuriwa pia na Katibu Mkuu wa Umoja wa Mataifa Ban Ki -Moon, Katibu Mkuu wa Jumuiya ya kuihami ya NATO Anders Fogh Rasmussen na wajumbe wa Umoja wa nchi za Kiarabu.

Muda mfupi kabla mkutano huo kuanza, Waziri Mkuu wa Uingereza David Cameron na Rais Nicolas Sarkozy wa Ufaransa waliwasilisha mada inayotoa mwito wa mwanzo mpya nchini Libya.Sarkozy na Cameron wametoa mwito kwa wafuasi wa Gaddafi kuwataka watengane na kiongozi huyo.

Hata hivyo mkutano wa mjini London unafanyika bila ya Urusi ambayo haikualikwa.Waziri wa mambo ya nje wa nchi hiyo Sergei Lavrov hatahudhuria mkutano huo kwa sababu nchi yake siyo sehemu ya mfungamano

wa kimataifa unaochukua hatua za kijeshi dhidi ya Kanali Gaddafi.

Hapo awali waziri Lavrov aliyakosoa mataifa yanayoishambulia Libya kwa kuvuka mipaka ya yale yaliyopitishwa katika azimio la Baraza la Usalama la Umoja wa Mataifa

Waasi wasamabaratisha vikosi vya Gaddafi

Waasi nchini LibyaTaarifa kutoka Libya zinasema waasi wamevisambaaratisha Vikosi vinavyomuunga mkono,Kiongozi wa Libya Muammer Gaddafi pamoja na vifaru.

Taarifa za sasa zinasema zaidi ya watu 142 wamepoteza maisha na wengine zadi ya 1400 kujieruhiwa wakiwemo wengine 90 wakiwa katika hali mbaya.

Hivi sasa vikosi vya wanajeshi wanaomtii kanali Gaddafi vimeweka kambi katika eneo moja mjini Misrata lililopo mashariki mwa mji wa Tripoli.

Akizungumza kwa masharti ya kutotajwa jila lake muasi mmoja anasema, vikosi hivyo kwa hivi sasa vinajiandaa kufanya mashambulizi dhidi yao.

Amedai hivi sasa Misrata ipo katika tishio la kutokea mauwaji ya haraiki na kuongeza kwamba kile kilichozuiwa Benghazi na vikosi vya muungao kitarajiwe kutokea eneo hilo.

Mtu mwingine ambae ni daktari,amesema katika mapigano yaliyotokea leo mjini Misrata watu wanne wamepoteza maisha.

File:US Navy 051206-N-3488C-021 Fire Controlmen stabilize a RIM-7 NATO Sea Sparrow missile container as it is lifted to the flight deck aboard the conventionally powered aircraft carrier USS Kitty Hawk (CV 63).jpg

Waasi wa Libya wakishangiliaKutokana na kuwepo kwa idadi kubwa ya majeruhi hivi sasa kuna matarajio kwa meli Kituruki kwenda kuchukua majeruhi takribani 50 katika eneo hilo kwa matibabu zaidi.

Awali msemaji wa Waasi,Shamsidin Abdulmolah amesema meli hiyo,ambayo ina hospitali ndani yake, inayosindikizwa na vikosi vya NATO itachelwa kuwasili mjini Misrata.

Kuwasili kwa meli hii kulitanguliwa na meli nyingine kubwa iliyobeba misaada ya vyakula, maziwa na vitu vingine muhimu kwa binadamu.

Katika hatua nyingine, serikali ya Libya leo iliwapeleka Waandishi wa habari kwenda kujionea mambo yalivyo katika eneo hilo,tukio ambalo lilioneshwa moja kwa moja na televisheni ya taifa ya nchi hiyo.

Hata hivyo, baadhi ya Waandishi, wamesema hawakupelekwa eneo la kati la mji ambako kulionekana dhahiri mapigano yanaendelea kutokana na kutanda kwa moshi mzito.

Waasi wanadai vikosi vinavyomtii,Gaddafi vimesababisha kaya zaidi ya elfu tano bila ya makazi na kuongeza kuwa hivi sasa vinashikilia eneo la kaskazini la Misrata.

Kauli zinapishana katia ya Waasi na Serikali ya Libya ambapo serikali inasema vikosi vyake vimesimamisha mashambulizi mjini humo na kwamba hivi mji upo mikononi mwao na umekuwa shwari kabisa.







Taarifa hiyo iliyotolewa na Shirika la Habari la Libya, inadai kikosi cha kupambana na ugaidi kimesitisha mashambulizi dhidi ya raia yaliyokuwa yakifanywa na magaidi.

Katika tukio lingine televishen ya Taifa ya Libya, iliyokuwa ikitangaza moja kwa moja katia makazi ya Gaddafi mjini Tripoli mapema,imemuonesha mtoto wa kiongozi huyo Hamis ambae ilitangazwa kuwa amefariki baada ya kujeruhiwa na makombora ya majeshi ya Muungano.

Majeshi ya Muungano yalianza operesheni za kuzuia ndege kuruka nchini Libya machi 19 kwa shabaha ya kuwanusuri wananchi na mashambulizi ya serikali ya nchi hiyo ambayo hata hivyo yametoa fursa kwa Waasi kusonga mbele.




1I/AAAAAAAAMnM/e5FimWzXbro/s320/NATO_Sea_Sparrow_missile_container_as_it_is_lifted_to_the_flight_deck_aboard_the_conventionally_powered_aircraft_carrier_USS_Kitty_Hawk_%2528CV_63%2529.jpg" />

Vikosi vya jeshi la muungano vyaishambulia Libya bila huruma

Wanajeshi wanaoshiriki kwenye operesheni za Libya Vikosi vya jeshi la muungano linaloongozwa na Marekani vimeongeza shinikizo kwa kiongozi wa Libya, Kanali Muammar Gaddafi kutokana na mfululizo wa mashambulio ya anga bila huruma.

Jenerali Charles Bouchard kutoka Canada

Miripuko ilisikika kwenye mji mkuu wa Tripoli mapema leo na walioshuhudia wamesema kuwa eneo la rada ya kijeshi lilikuwa likiwaka moto.

Ndege za kivita za jeshi la muungano zilifanya mashambulio 150 zaidi dhidi ya vikosi vya jeshi la Kanali Gaddafi, ukiwemo mji wa mashariki wa Adjabiya. Mashambulio hayo yamewawezesha waasi kuudhibiti tena mji huo.

Baadhi ya ndege za kijeshi zinazoshiriki katika operesheni nchini Libya
Kuna taarifa kwamba mtoto wa kiume wa Kanali Gaddafi, Saif al-Islam ameondoka kwa siri nchini humo ikiwa ni katika kuchukua hatua za kidiplomasia kwa ajili ya kuzuia mapigano zaidi na kuidhibiti hali iliyopo sasa ya kisiasa na kijeshi ambayo inazidi kuwa mbaya.

Marekani na Jumuiya ya Kujihami ya NATO zinafikiria kuwapatia silaha wapinzani, zikisema kuwa azimio la Umoja wa Mataifa linaruhusu uwezekano huo.

NATO hatimaye pia imekubali kuchukua jukumu la kuongoza operesheni za kutekeleza marufuku ya ndege kuruka katika anga ya Libya.

Operesheni hiyo itakuwa chini ya Jenerali Charles Bouchard kutoka Canada

Uvamizi wa anga unaofanywa na majeshi ya muungano umeshambulia eneo alipozaliwa Kanali Muammar Gaddafi huko Sirte, eneo muhimu linalolengwa na waasi lililopo upande wa magharibi.

Msemaji wa serikali ya Libya alisema raia watatu wa Libya waliuliwa kwenye bandari ya nchi hiyo.

Uvumi ambao haukuthibitishwa kuwa waasi waliudhibiti mji wa Sirte ulisababisha waasi kufyatua risasi kwa minajil ya kushangilia kwenye mji walioukhodhi wa Benghazi.

Waandishi wa kigeni Sirte walisema walisikia milipuko mikubwa kwenye mji huo huku ndege zikipita angani.

Msemaji wa waasi huko Benghazi alisema Sirte sasa ilikuwa mikononi mwa majeshi ya waasi- lakini hakujakuwa na uthibitisho binafsi kutokana na madai hayo, na waandishi wa habari wa kimataifa ndani ya mji huo walisema bado unadhibitiwa na serikali.

Wakati huo huo, Qatar ni taifa la kwanza la kiarabu kutambua uongozi wa waasi- Baraza la Taifa la Mpito- kama wawakilishi rasmi wa watu wa Libya.

Historia ya Gaddafi

Kanali Muammar Gaddafi ni kiongozi aliyekaa madarakani kwa muda mrefu zaidi barani Afrika na katika nchi za Kiarabu.



Gaddafi alipokuwa akizuru Senegal mwaka 1985

Ameongoza Libya tangu alipompindua Mfalme Idris I, katika mapinduzi yasiyo ya kumwaga damu, wakati huo akiwa na umri wa miaka 27.

Maarufu kwa nguo anazopenda kuvaa, na walinzi wa kike wenye kubeba silaha, kiongozi huyo wa Libya pia anadhaniwa kuwa na mbinu nzuri za kisiasa, kwa kuweza kuirejesha Libya kutokana na kutengwa kidiplomasia duniani.



Baada ya miongo miwili ya kutengwa katika jamii ya kimataifa, mwaka 2003, Tripoli ilikiri kuwa walifanya shambulio la Lockerbie kwa kuiangamiza kwa mabomu ndege ya Pam Am na hapo Umoja wa Mataifa ukaondoa vikwazo dhidi ya Libya.

Gaddafi mwaka 1969

Baada ya miezi kadhaa, serikali ya Kanali Gaddafi ilisitisha mipango yake ya kuunda silaha za maangamizi na hii ikarejesha ushirikiano na nchi za magharibi.

Hapo ndipo mabadiliko halisi yalionekana kwa kuwa nchi hizo za magharibi zilibadili mtazamo wao na kuacha kumtenga Gaddafi na kushirikiana naye hata kama alikuwa hatabiriki.

Ni mtu wa kipekee katika kauli zake, mienendo yake, tabia zake na mikakati yake, kwa mujibu wa Saas Djebbar mtaalam wa siasa za Libya.

'Lakini ni mwanasiasa mashuhuri; hakuna shaka lolote kuhusu hilo. Ni mwanasiasa anayeweza kuhimili misukosuko ya kisiasa kwa hali ya juu sana.'

Asili ya Mabedui
Muammar Gaddafi alizaliwa jangwani karibu na Sirte mwaka 1942.


Gaddafi katika mkutano Sirte

Alipokuwa kijana alivutiwa na kiongozi mzalendo wa Misri na, Gamal Abdel Nasser, alipokuwa akishiriki katika maandamano dhidi ya Israel wakati wa mtafaruku wa Suez mwaka 1956.

Gaddafi alipanga njama ya kupindua utawala wa kifalme alipokuwa mwanafunzi wa kijeshi na aliwahi kupata mafunzo zaidi akiwa Uingereza kabla ya kurejea nyumbani Libya, mji wa Benghazi, na kupanga mapinduzi ya tarehe 1 Septemba mwaka wa 1969.

Ghaddafi alianza kujenga itikadi zake za kisiasa mwaka 1970 na kuziandika katika kitabu chake cha kijani kibichi.

Alikitumia kitabu chake kuanzisha mfumo wa kisiasa iliyojumuisha kanuni za kiislamu na mfumo uliyo tofauti na siasa za ujamaa au


Mwaka1977 aliasisi mfumo ujulikanao kama 'Jamahiriya' au 'Taifa la Umma' ambapo raia ndio wanaoendesha uongozi wa nchi yao kupitia 'kamati za umma'.

Hema ya Gaddafi

Mfumo huo wa Gaddafi umevuka mipaka na hauhusishi mambo ya siasa tu, bali pia mambo mengine.

Akiwa safarini ng'ambo, huwa anakaa kwenye kambi iliyojengwa na hema yake ya kifahari ya Kibeduwi akiwa amefuatana na walinzi wanawake ambao, inasemekana, huwa hawapotezi umakini kazini kama walinzi wanaume.

Hema hiyo pia hutumiwa kuwalaki wageni wa Libya na Kanali Gaddafi huendesha mikutano na mahojiano yake humo humo akipepea usinga au tawi la mitende.

Upekepeke
Benjamin Barber, mtaalam wa kisiasa wa kujitegemea, kutoka Marekani amewahi kukutana na Gaddafi mara kadhaa hivi karibuni na kuzungumza naye kuhusu mustakabali wa Libya.




Gaddafi akiwa na viongozi wengine wa nchi za Uarabuni

Bw Barber alisema kuwa Muammar Gaddafi anajihisi kuwa msomi aliyebobea.

Muammar Gaddafi na Tony Blair waliwahi kuandaa mkutano wa viongozi kutoka nchi mbalimbali tarehe 29 Mei 2007 kwenye hema hiyo ya Kibedui.

'Utashangazwa kuwa ingawaje ni dikteta, ni mwanafalasafa na mwenye kutafakari jambo kabla ya kuzungumza,' aliiambia BBC.

'namchukulia sana kama mtu kutoka kabila la Waberber na mtu ambaye aliibuka kutoka tamaduni za watu wa jangwani, kutoka kwenye mchanga na kwa namna fulani kuna tofauti kubwa na uongozi wa kisasa, na kwa namna fulani hilo limemfanay awe mstahamilivu na mwenye msimamo."

Kanali Gaddafi amejitahidi kwa muda mrefu kutoa ushawishi wake nyumbani na ng'ambo.

Awali alituma jeshi lake nchini Chad ambapo wanajeshi walidhibiti ukanda wa Aozou, kaskazini mwa nchi hiyo, mwaka 1973.

Katika miaka ya 80 aliandaa mafunzo kwa makundi ya waasi kutoka Afrika Magharibi yaliyojumuisha wale wa Tuareg ambao ni Waberber.

Hivi karibuni aliongoza jitihada za kuwapatanisha waasi wa Tuareg kutoka nchi za Niger na Mali.

'Mbwa kichaa'
Jumuiya ya wanadiplomasia kuitenga Libya kulitokana na Kanali Muammar Gaddafi kuunga mkono makundi yeneye silaha, ikiwemo Irish Republican Army na Palestine Liberation Organisation.



Gaddafi akiwa na mwandishi wa habari wa BBC

Rais wa zamani wa Marekani Ronald Reagan alimwita Gaddafi 'mad dog' yaani 'mbwa kichaa' na Marekani ililipiza kisasi dhidi ya Libya kwa madai ya kuhusika na mashambulio ya anga barani Ulaya kwa kuvamia miji ya Tripoli na Benghazi mwaka 1986.

Ilisemekana kuwa Kanali Gaddafi alitikiswa na mashambulio ya mabomu hayo ambapo mtoto wake wa kike wa kufikia aliuawa.

Aliposhindwa katika jitihada zake za kuzipatanisha nchi za Uarabuni katika miaka ya 90, Kanali Gaddafi alielekeza nguvu zake barani Afrika na kupendekeza 'Muungano wa Nchi' za bara la Afrika.

Muuguzi wa Gaddafi


Alianza kuvaa mavazi yake binafsi, sare za michezo zilizo na ngao za bara la Afrika au picha za viongozi kutoka bara hilo.

Wakati wa mabadiliko katika karne ya 20, huku Libya ikiwa inapata tabu kutokana na vikwazo dhidi ya nchi hiyo, alianza kurekebisha hali nchini mwake.

Mwaka wa 2003, mabadiliko yakaanza kuonekana na baada ya miaka mitano mkataba wa kulipa fidia kwa waathirika wa Lockerbire uliafikiwa na hii ikarejesha uhusiano kati ya Washington na Libya.

'Hakutakuwa na vita tena, mashambulio, na vitendo vya ugaidi' Kanali Gaddafi alisema alipokuwa akiiherehekea miaka 39 aliyokaa madarakani.

Changamoto za ndani

Kiongozi huyo wa Libya hujiona kama kiongozi wa kidini wa taifa hilo, akihakikisha kwa kile anachosema ni demokrasia.


Sayf akiwa na ndugu yake Saad

Kuna hisia kuwa mwanawe Sayf Al-Islam Gaddafi ndiye atarithi uongozi kutoka kwa baba yake na anaongoza katika kuleta mabadiliko.

Ingawaje Sayf ametangaza kuwa anastaafu siasa lakini kuna wanaohisi kuwa hii ni mbinu ya kuongeza ushawishi wake kisiasa.

Wakati huo huo, Gaddafi ameahidi kuwa wizara za nchi hiyo zitafutwa pamoja na bajeti zao

Utajiri utakaopatikana kutokana na mafuta utakabidhiwa moja kwa moja kwa wananchi.

Licha ya uchumi wa Libya kutoa fursa kwa wawekezaji wa nje, mabadiliko bado yanakwenda taratibu.






Waandamanaji wakichana picha ya Gaddafi

Walibya wengi wana wasiwasi juu ya mabadiliko yanayotokea na kuhisi kuwa hawapati manufaa kutoka rasilmali ya Libya, waangalizi wanasema kwani huduma za serikali ni duni pamoja na ubadhirifu mkubwa wa mali.

' Wanajihadhari sana katika mapambano hayo kwa kuwa hawataki mabadiliko yatakayolegeza nguvu za umma,' alisema Saad Djebbar

'Lakini wakati huo huo, Walibya wanafahamu kuwa wanahitaji kufanya mabadilko. Na ndio maana wanaenda taratibu sana.

Mfuasi wa Gaddafi